Balti - Mahomchi Kifna

samedi 10 octobre 2015
MAHOMCHI KIFNA
Telecharger MP3

موصطاف بلطي
بلطي موصصاف
مانش كيفهم
ماهمش كيفنا


ماناش كيفهم في العيشة هوما يتولدو في القطن
نحنا تولدنا في الحومة و بين الفرازات ديما تزن
هوما يولدو مالصغرة العيشة مل مان عيشة مفرهدة
يمشي يقرا و يروح مماتو تجيه بالكرهبة

ما همشي كيفنا في القلوب عايشين الدنيا للدنيا
خوذها من يد الزوالي و ما تاخوهاشي مل غنيا
ما همشي كيفنا فالكروش أحنا خبزة تعيشنا
أحنا طالبين السترة و رضاية ربّي و والدينا


ماناشي كيفهم فالمونتاليتي و في القلب ياسر يحسبوا
قد ما ربي عاطيهم عمرك ما تشوفهم يحمدوا
تشوف وجوههم بيضة تقول هذوما ملايكة عل أرض
كي يعرضهم طالب لا يأديو لا سنة لا فرض


ما همشي كيفنا في نومنا كي ترقد تبات متهني
حتى على جَرَّايَة تبات و تحط الراديو يغني
لا مخلّي وراك حسابات لا وراك فلوس و شيكات
لا وراك لا
بنية و لا مرا ما تعرفشي وين ماشية تبات


ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم


نحنا بناتنا في خمار الخمسة متاع الصباح في الكار
هوما بناتهم يباتو يدوروا بَلْعَة من بار لبار
هوما ديارهم شاتووات ، أكبر من الكارفور
نحنا باب الدار يتحل بالكليمونات في حيّ الزهور


ماهمشي كيفنا في الفرحة زغاريت و البخور عجعاج
ماهمشي كيفنا في الفرحة يبعث ميساج
ماهمشي كيفنا في الإحساس يعيشوا بالآس.آم.آس
حتى في ولدو شاكك ولدو ولاّ ولد الناس


نحنا نشيخو بالأرطال و اللعبة معاها بنتا-كول
هوما يشيخوا بالغبرة و البيضة و أغنى أنواع الكول
هوما يسافرو وقت ما يحبّوا لونو أحمر الباسبور
نحنا نطيحو وقت ما نحبّوا فمّا الحاكم و المزطول


ماهمشي كيفنا كي نتلمّو الضّحكة تخرج مل قلب
هو وحدو في شاتو جريدة و بجنبو كلب
مرتو مسافرة في بوينغ في دبي عملت شوبينغ
هو معنّق مخدّة و هي معنقة صاحبها في سترينج

ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم


نحنا نتلمّو العيلة الكل عنّا فرح ولاّ موت
هوما رجالهم في سويسرا و نساهم في بيروت
نحنا الضحكة في القهوة طرح الرامي يوفى بكبوت
هوما توفى بهم في البلوك كان خذاو كبّوت


ماهمشي كيفنا في الحب أحنا إذا حبّينا بكينا
أحنا رجال تقدّر المرا نحطّوها في عينينا
حتّى في تركينة نباتو و وردة تفرّح العشيرة
مرتو تفرح بالباناميرة بالوفيز و التأشيرة


والدينا يهزّونا مل صغرى للمدب و الكتّاب
هوما والديهم رباوهم عل حقرة و أنواع الفساد
تربّاو يجيبو الفلوس و يحلّو بازارات
فطور الصباح ياكلوا ملاين العشاء مليارات


ماهمشي كيفنا في المرض أمّ تبوسك من جبينك
تعطيك دواك و تغطّيك و تزيد تذكرك في دينك
أمّك بجنبك في فرشك أمّو في دار المسنين
في مرضو خدّامة بجنبو يتشهّى في صدر حنين


ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

يعيشو عادي جدّا لا إحساس و لا شعور
كيف تراهم ما تفرقشي بين الأناثى و الذّكور
هوما يلبسو في الديامنت و نحنا ننطرو بالموتور
هوما على البحر و نحنا سيدي حسين و حيّ الزهور


ماهمشي كيفنا فرنسيس أحنا ياسر عروبي
ناكل ملاوي و نريسكي إذا ما لقيتش ركوبي
نبزنس بنت الجار في الكار تضحكلي من غير ماسك
هو يبزنس بالكلاس آس أمّا باسل و ماسط


نعيشو بلا مناسبة الّي طيّب يوكل جارو
هوما بينهم مسكرة كل فول في نوّارو
يعيشو بالإيميل و كل واحد شادد مليارو
ساعات يتوفّى واحد منهم حدّ ما يجيب أخبارو


ماهمشي كيفنا في الصّحبة تبدل المرا بمفاتح
صاحبو مع مرتو هو مع مرت صاحبو يتناكح
الفلوس ذهبت الشيرة كول الحلّوف و أنسى الغيرة

مرت صاحبي في قدر أختي و مرتي في قدر أميرة



Pub
Pub

Copyright @ 2015 UNDERGA3· Designed By ZM Templates