Telecharger MP3
Gritli Sound ♫.
كيما الغريب من بعيد قاعد نترقب
اصحاب البارح صارت اليوم تتعقرب
و لي كان مغلوب هارب هروب صار يتغلب
و لي كان صغير صار كبير و صار مجرب
شفت الوالدين اخطؤو و جابو و هملو
و لي عاش ماسآة مشى في طريق صعيب يكملو
شفت الملحدين الجاهلين ما حبوش يمنو
شافو الايات الربانية و ما قدروش يصدقو
نتاسف عليهم ندعيلهم ربي يهديهم
يضحك عليهم شيطانهم ياسر عاميهم
يوعدهم و الدنيا يزينها بيهم
عصاو المولى و طاعو هواهم لي غاويهم
عملاء ابليس باعو رواحهم بالرخيص
باعو الدين بالدنيا و التجارة سوم خسيس
نشوف الراعي موش عاطي حق الرعية
زواولة و عياشة راحو فيها ضحية
لا الاه الا الله
لي صبر ربي معاه مهما ذبل ما يشيح
ولي معاه الله ما طيحوش الريح
نعيشو في زمان امرو ياسر عجيب
قدرك و قيمتك اش عندك في الجيب
تتلفت لا تلقى لا صاحب لا حبيب
وفات الفلوس دبر منين تجيب
دوّر بيك الرجال اقرى للشدة حساب
لي تعلمهولك الدنيا ما تقراه في حتى كتاب
برشا كلاب تستناك اطيح كان اطيح تعضك الانياب
الناس مريضة تعشق النبيح رد بالك لا تحل الباب
مالا عينك عينك بالك تغفل عينك
راك تغزر ليسارك يخونوك على يمينك
في بلاصة تاقف عالمشكل خدم راسك شوف الحل
مهما يصيبك ربي طبيبك المهم تفائل ما تمل
ربي يحب لي يهربلو و يحب لي يتقربلو
كون معاه يكون معاك و ادعيه يلبي دعاك
ما داويش مرض بمرض ما تهربش للفساد
لا تغلط و تلوم الدنيا و تعمل كيما برشا عباد
تعدي عمرك تشكي و تبكي ترمي لومك للي بجنبك
تحكي كان في عيوب الناس ناسي فعلك ناسي ذنبك
لا الاه الا الله
لي صبر ربي معاه مهما ذبل ما يشيح
ولي معاه الله ما طيحوش الريح
ولي معاه الله ما طيحوش الريح
عايش غريب عابر سبيل داعي لله و بالله عادي يهون المستحيل
من بعيد قاعد نشوف قلوب ضعيفة سكنها الخوف
و الحكام صارت طغاة و الانسان على الدنيا ملهوف
الدنيا جيفة طلابها كلاب
هذي عقيدة لازم يفهمها الشباب
الله هداك و خلقك و سواك دبر امرك يسر عسكر و من خيراتو زاد عطاك
مهما الدنيا لعبت بيك و الظروف قسات عليك عيش معاهم رافع راسك الثقة في ربي بين عينيك
و تبقى الطبيعة في الانسان ما تشوف الشر كان في البشر
تعطيه الامان يطلع خوان بالك لا تامنو عالسر
بالك لا تغلط لا تعطي الامان الثقة في ربي في المولى الرحمان
الصاحب كي يبان غدار و خوان كي يغدر و يخون و غدوة يدوان
ثبت في نص القران خوذ منو نصيحة لدينك ما تقول الدنيا نصيحة راك تندم كي تخالف دينك
لا الاه الا الله
لي صبر ربي معاه مهما ذبل ما يشيح
ولي معاه الله ما طيحوش الريح
ولي معاه الله ما طيحوش الريح
