Guito'n - همج | UNDERGA3

Guito'n ✪ Hamaj همج ✪ New 2016 !!
Guito'n 2016

وحداني ديما متقين من الطرح , ليكم العالم الفاني ناقم و رافض الصلح تونس عبارة عن جرح في الراس تسبب الم , فينا تستعبد هوما اسياد و احنا خدم بلاد عيشة فيها عدم و شكون لي ينجم يكون مع ناس كي الحربة تتلون تحب تعيش لازمك تجعل و تهون في راسك سطح منوم مدامك فقير و زوالي هوني قدامك حلين , يا اطحن يا تجيبها بوهالي دولة اما من تالي حاشاكم و حاشى القدر وينك يا قاسم يا شابي تونس حكمتها قطر وينك يا طاهر يا صفر , قصاص كتب الدستور تونس تشدت بالسيف خيرونا بين الكركوز و الطرطور كراسي تتبدل بلاش ميز ا جور كي العادة نهبولنا الاموال موتى و جثث مرمية في السكة و هوما في القبة جابينها طبال كافون ابسط مثال بلادي ما فيكش امل من كثرة العجب لي تراه في راسك تضبع يصيبك شلل منين ادور تلقى الفشل ما تلقى قدامك افاق مدام نعيشو في بلاد النفاق تمنع من الزطلة تتعدى استنشاق تحبو مصالحة مع كمشة سراق ما تلقى حتى تفسير بلاد ما فيها ضمير لازمها .... مدام مشى في العفص كان الفقير كرّز دورها تكبير شعب يجري في دمو بندير و لاخر قالك تجوبير تونس على خير الحل هو الرحيل عكستنا مرة و اثنين سي نورمال في الاخر نرمي المنديل هات الحل اعطيني البديل شباب في بلادو تلكع كيفاش تلومو عالعبد القليل حنّ للرئيس لي تخلع اهبط للسوق تو تتفجع معادش خالطين على شيء لي عندو الفلوس جعل و منع و الباقي توفى يا وخي لي يوصل يعفص لي تحتو عروفات تلحس لبعضها و الزواولة يتسحتو على زوز فرنك يبقو يتشحتو زوالي ما حسبهاش و الماء يجري تحتو يلقى روحو وحدو لا سياسي لا حقوقي وفات الانتخابات لا فما باجي لا مرزوقي سي نورمال يخاطبكم الباجي بالمنطق السوقي نسبكم يا طحانة فما كان ربي فوقي يا سامي الفهري افتحلي صندوقي هاو وجهي كان تلقى دنوس لا نكسب اراضي و لا فلوس اما ساقين عمري ما نبوس من الصغرة تربينا عالرجلة و الراس عمرو ما يهبط اللوطا الراجل في بلادي بجيبو يتقاس سكتنا حسبونا من الموتى و الله احوال ... تعرف كان لي يمدو جعالة تحقر فلي شدو البالة اثقف منك البطالة , عندك عط ربي يزيدك كان افعالك اللي تفيدك تستعبد في الخدامة هو ينتج هو سيدك جاوبني احسبني وليدك شبيها البلاد هكايا يحبو يردوها فتنة بيناتنا , انا و اني و نايا يا ناس شوية هداية يحبو يقسمونا ولاية ولاية كيما قالنا العالي في الاية , كلنا سواسي كيما لي عندو كيما لي يساسي لا رباعي لا خماسي تونسي حر نكره الكراسي فيار بناسي لاخر انفاسي